پاکستان کرکٹ ٹیم کے نائب کپتان شاداب خان اور فاسٹ بولر نسیم شاہ پاک انگلینڈ سیریز کے پہلے مرحلے میں پلیئنگ الیون میں شامل نہیں تھے جو کہ اب لاہور کے میچز میں ٹیم میں دکھائی دیں گے۔
٢٧ ستمبر ٢٠٢٢
شاداب خان اور نسیم شاہ کو اس سے پہلے ہونے والے میچز میں آرام کی وجہ سے پلیئنگ الیون میں شامل نہیں کیا گیا تھا۔
نسیم شاہ انگلینڈ کے خلاف پہلے ٹی ٹوئنٹی میچ میں ٹیم کا حصہ تھے البتہ باقی تین میچز میں ان کو آرام دیا گیا جب کہ شاداب خان نے مکمل آرام کیا۔
واضح رہے کہ انگلینڈ اور پاکستان کے درمیان جاری ٹی ٹوئنٹی سیریز کا پہلہ مرحلہ کراچی میں کھیلا گیا جس میں دونوں ٹیموں نے 2، 2 میچز میں کامیابی حاصل کی۔
سیریز کا دوسرا مرحلہ 28 ستمبر سے لاہور میں شروع ہو گا۔
پاکستان اور انگلینڈ کی ٹیمیں آج قذافی اسٹیڈیم میں ٹریننگ کریں گی، سیریز کے بقیہ 3 ٹی ٹوئنٹی میچز 28 ستمبر، 30 ستمبر اور 2 اکتوبر کو کھیلے جائیں گے۔
.jpg)
