شاہین آفریدی اور نسیم شاہ پاکستان کی ’’گولڈ ڈسٹ‘‘ قرار

انگلینڈ کے سابق کپتان اور کمنٹیٹر ناصر حسین نے پاکستانی فاسٹ بولر شاہین شاہ آفریدی اور نسیم شاہ کو ’’گولڈ ڈسٹ‘‘ یعنی (سونے کی گرد) قرار دے دیا۔

کِرک وک کو دیئے گئے ایک انٹرویو میں سابق انگلش کپتان ناصر حسین نے زور دیا کہ پاکستان کو چاہیے کہ اپنے دونوں فارسٹ بولرز کو روٹیشن پالیسی کے ذریعے استعمال کرے تاکہ انجری کا کم سے کم خطرہ ہو، کیونکہ دونوں کرکٹرز گرین شرٹس کو تینوں فارمیٹس میں کامیابیاں دلوانے میں اہم کردار ادا کررہے ہیں۔

شاہین آفریدی گھٹنے کی انجری کے باعث طویل عرصہ علاج کے بعد اب صحت یاب ہورہے ہیں، وہ پاکستان سپر لیگ (پی ایس ایل) کے آٹھویں سیزن میں لاہور قلندرز کی نمائندگی کرتے نظر آئیں گے جبکہ نسیم شاہ پی ایس ایل میں کوئٹہ گلیڈی ایٹرز کے لیے کھیلیں گے۔

شاہین آفریدی گھٹنے کی انجری کی وجہ سے انگلینڈ اور نیوزی لینڈ کے خلاف سیریز سے باہر ہوگئے تھے۔