نیوزی لینڈ کی ٹیم رواں ماہ 5 ٹی20 میچز کھیلنے کے لئے پاکستان کا دورہ کرے گی۔
پاکستان کا دورہ کرنے والی نیوزی لینڈ کی سی ٹیم کیخلاف پاکستانی کھلاڑیوں کو روٹیشن پالیسی کے تحت کھلائے جانے کا فیصلہ کرلیا گیا۔
قومی ٹیم کی سلیکشن کمیٹی آئی سی سی ٹی20 ورلڈکپ 2024 سے قبل شاہین آفریدی سمیت کچھ کھلاڑیوں کو نیوزی لینڈ کے خلاف تمام میچز نہیں کھلانا چاہتی اور ورک لوڈ مینجمنٹ کے تحت پلئیرز کو آرام کروایا جائے گا جبکہ اس حوالے سے کپتان بابراعظم سے بھی مشاورت کی جائے گی۔
دوسری جانب کاکول ملٹڑی اکیڈمی میں جاری آرمی اسکول آف فزیکل ٹریننگ میں کھلاڑیوں کومختلف مشقیں اور سخت ٹریننگ کروائی جارہی ہے۔
نیوزی لینڈ کی کرکٹ ٹیم رواں ماہ 5 ٹی20 میچز کھیلنے کیلئے پاکستان کا دورہ کرے گی، دونوں ٹیموں کے درمیان سیریز کا آغاز 18 اپریل سے ہوگا۔
واضح رہے کہ ٹی20 ورلڈکپ 2024 کے لئے اسکواڈز کے اعلان کی ڈیڈ لائن یکم مئی ہے، 25 مئی تک اسکواڈز میں تبدیلی کی جاسکے گی بعدازاں کسی بھی پلیئر کی تبدیلی کے لیے آئی سی سی کی اجازت درکار ہوگی۔