اس سیزن میں نیوزی لینڈ کی کرکٹ ٹیم تین ٹیسٹ، چھ ون ڈے اور آٹھ ٹوئنٹی 20 انٹرنیشنل میچز میں حصہ لے گی۔
١٨ جولائی ٢٠٢٤
نیوزی لینڈ اگلے سال پاکستان کی میزبانی کرے گا جیسا کہ 2024-25 ہوم سمر شیڈول کا اعلان کیا گیا ہے۔ کرکٹ نیوزی لینڈ نے چیمپئینز ٹرافی 2025 اور سہ فریقی سیریز کی بھی تصدیق کردی ہے۔
تفصیلات کے مطابق پاکستان اور نیوزی لینڈ کے درمیان 5 ٹی20 اور 3 ون ڈے انٹرنیشنل میچز کی سیریز کے شیڈول کا اعلان ہوگیا ہے۔ دونوں ٹیموں کے درمیان وائٹ بال سیریز کا آغاز ٹی20 فارمیٹ سے ہوگا جبکہ وائٹ بال سیریز 16 مارچ سے 5 اپریل 2025 کے درمیان ہوگی۔
سیریز کا پہلا ٹی20 میچ 16 مارچ کو کرائسٹ چرچ میں، دوسرا 18 مارچ کو ڈنیڈن میں، تیسرا ٹی20 میچ 21 مارچ کو آکلینڈ میں، چوتھا 23 مارچ کو تاورانگا جبکہ پانچواں ٹی ٹوئنٹی 26 مارچ کو ویلنگٹن میں ہوگا۔
ون ڈے سیریز کے میچز نیپئر، ہملٹن اور تاورانگا میں 29 مارچ، 2 اپریل اور 5 اپریل کو ہوں گے۔
واضح رہے کہ کرکٹ نیوزی لینڈ نے اپنے سیزن کے شیڈول میں پاکستان میں چیمپئنز ٹرافی کھیلنے کی بھی تصدیق کر دی ہے۔
دوسری جانب نیوزی لینڈ بورڈ نے چیمپئنز ٹرافی سے قبل ملتان میں کھیلی جانے والی سہ فریقی سیریز ٹورنامنٹ میں شرکت کی بھی تصدیق کردی ہے۔
.jpg)
