پاکستان کپ ویمن کرکٹ ٹورنامنٹ کا سنسنی خیز ون ڈے مرحلہ آج سے شروع

اس ٹورنامنٹ کا مقصد ملک کی خواتین کھلاڑیوں کو محدود اوورز کی کرکٹ کے بہترین مواقع فراہم کرنا ہے،پی سی بی

پاکستان کرکٹ بورڈ کے جاری کردہ ایک بیان میں کہا گیا کہ اس ایونٹ سے کھلاڑیوں کو ایمرجنگ ویمنز ایشیا کپ کی تیاری میں بھرپور مدد ملے گی، جو آئندہ ماہ ہانگ کانگ میں منعقد ہوگا۔

پاکستان کپ 13 میچوں پر مشتمل ہوگا، جو دو مرحلوں میں کھیلا جائے گا۔ چار ٹیمیں راؤنڈ رابن لیگ کی بنیاد پر کھیلیں گی، جبکہ تین ٹیمیں ون ڈے میچوں میں مدمقابل ہوں گی۔

یہ میچ ڈبل راؤنڈ رابن لیگ کے تحت کھیلے جائیں گے، جس کا فائنل چار جون کو ہوگا۔

ٹورنامنٹ میں شریک اسٹرائیکرز ٹیم کی قیادت فاطمہ ثنا کریں گی۔ بلاسٹرز کی کپتان منیبہ علی ہوں گی جو ٹی ٹوئنٹی انٹرنیشنل میں سنچری بنانے والی واحد پاکستانی کھلاڑی ہیں۔

اسی طرح چیلنجرز کی قیادت لیفٹ آرم اسپنر سعدیہ اقبال کریں گی جبکہ ڈائنامائٹس کی ٹیم سدرہ امین کی کپتان میں میدان میں اترے گی۔

ان چار ٹیموں کے درمیان چھ ٹی ٹوئنٹی میچ 19 سے 21 مئی تک حنیف محمد ہائی پرفارمنس سینٹر اوول گراؤنڈ اور سٹیٹ بینک گراؤنڈ میں کھیلے جائیں گے جبکہ23مئی سے بلاسٹرز، چیلنجرز اور ڈائنامائٹس کی ٹیمیں 50 اوورز پر مشتمل ون ڈے ٹورنامنٹ میں مدمقابل آئیں گی۔

پاکستان کرکٹ بورڈ کی ویمنز کرکٹ کی سربراہ تانیہ ملک کا کہنا ہے کہ ٹورنامنٹ کا بنیادی مقصد باصلاحیت کھلاڑیوں کو اپنی مہارت اور کارکردگی دکھانے کا موقع فراہم کرنا ہے۔

تانیہ کو امید ہے کہ اس ٹورنامنٹ میں عمدہ معیار کے مقابلے دیکھنے میں آئیں گے۔

پاکستان کپ ویمنز کرکٹ ٹورنامنٹ میں شریک ٹیمیں

بلاسٹرز: منیبہ علی ( کپتان ) علینہ شاہ ، انعم امین ، اسما امین، عائشہ بلال، عائشہ جاوید، عائشہ ظفر، ڈیانا بیگ، فجر نوید، ارم جاوید، کائنات امتیاز، صبا نذیر، صائقہ ریاض، زیب النسا، زونیرا شاہ۔

چیلنجرز:سعدیہ اقبال ( کپتان )، آئمہ سلیم، امبر کائنات، عریشہ نور، فریحہ محمود، فاطمہ زہرہ، حورینہ سجاد،جویریہ خان، جویریہ رؤف، کائنات حفیظ، ماہم طارق، معصومہ زہرہ، نورین یعقوب، صائمہ ملک اور وردا یوسف۔

ڈائنامائٹس:سدرہ امین ( کپتان ) ،عالیہ ریاض، بسمہ معروف، فاطمہ شاہد، غلام مصطفی، ہمنہ بلال ،خدیجہ چشتی، لائبہ ناصر، ماہم منظور، نشرہ سندھو، عمیمہ سہیل، رامین شمیم،سدرہ نواز، وحیدہ اختر اور ُیسری عامر۔

اسٹرائیکرز:فاطمہ ثنا ( کپتان )، انوشہ ناصر، دعا ماجد، ایمن فاطمہ، فاطمہ خان، گل فیروزہ، گل رُخ، لبنیٰ بہرام، نجیہ علوی، نتالیہ پرویز، صدف شمس، شوال ذوالفقار، سیدہ عروب شاہ، طوبیٰ حسن، ام ہانی۔

ٹورنامنٹ کا شیڈول:

پہلا مرحلہ ٹی ٹوئنٹی فارمیٹ

19مئی: ڈائنامائٹس بمقابلہ بلاسٹرز، اسٹیٹ بینک گراؤنڈ۔

چیلنجرز بمقابلہ اسٹرائیکرز، اوول اکیڈمی گراؤنڈ۔

20 مئی: ڈائنامائٹس بمقابلہ چیلنجرز، اسٹیٹ بینک گراؤنڈ۔

بلاسٹرز بمقابلہ اسٹرائیکرز، اوول اکیڈمی گراؤنڈ۔

21مئی: ڈائنامائٹس بمقابلہ اسٹرائیکرز،اسٹیٹ بینک گراؤنڈ۔

بلاسٹرز بمقابلہ چیلنجرز اوول اکیڈمی گراؤنڈ۔

دوسرا مرحلہ ( 50 اوورز فارمیٹ )

23مئی: بلاسٹرز بمقابلہ ڈائنامائٹس

25مئی: بلاسٹرز بمقابلہ چیلنجرز

27مئی: ڈائنامائٹس بمقابلہ چیلنجرز