کراچی: پاکستان اور نیوزی لینڈ کے درمیان ون ڈے سیریز کا تیسرا اور آخری میچ آج نیشنل اسٹیڈیم میں کھیلا جائے گا، دونوں ٹیموں کے درمیان سیریز 1-1 سے برابر ہے۔
١٣ جنوری ٢٠٢٣
ایکسپریس نیوز کے مطابق سیریز کا آخری ڈے اینڈ نائٹ مقابلہ دلچسپ اور کانٹے دار ہونے کی توقع ہے، پاکستان کو ہوم کراوڈ اور مقامی کنڈیشنز کا فائدہ ہونےکے باوجود میچ میں ٹاس اہم کردار ادا کرے گا۔
توقع ہے کہ ٹاس جیتنے والی ٹیم پہلے بیٹنگ کرکے بڑا اسکور کرنے کی کوشش کرے گی جبکہ دوسری اننگز کھیلنے والی ٹیم کو موسمی کنڈیشنز کے سبب دقت کا سامنا رہے گا۔
خیال کیا جارہا ہے کہ پاکستان دوسرے میچ کی طرح فیصلہ کن مقابلے کے لیے بھی اپنی ٹیم برقرار رکھے گا اور ٹیم میں کوئی تبدیلی نہیں ہوگی، فتح کی صورت میں پاکستان مسلسل چوتھی ون ڈے سیریز اپنے نام کرے گا۔
قبل ازیں قومی ٹیم نے آسٹریلیا کے خلاف ہوم سیریز میں 1-2 سے کامیابی پانے کے بعد نیدرلینڈ اور پھر ویسٹ انڈیز کو0-3 سے شکست دی تھی۔
دریں اثنا دوسرے ون ڈے میچ کے دوران تماشائیوں کے گراونڈ میں داخل ہونے کے دو واقعات کے بعد سیکوریٹی اداروں نے اپنے اقدامات پر نظرثانی کرلی، دوران میچ سیکیورٹی کے بھرپور انتظامات کرتے ہوئے تماشائیوں پر بھر پور نظر رکھی جائے گی۔
.jpg)
