پاکستان کا افغانستان کے خلاف ٹاس جیت کرپہلے بیٹنگ کا فیصلہ

ہمبنٹوٹا کے میدان میں پاکستان اور افغانستان کا دلچسپ میچ دیکھنے کے لیے شائقین پُرجوش

تفصیلات کے مطابق پاکستان اور افغانستان کے درمیان تین ایک روزہ انٹرنیشنل میچوں کی سیریز کا پہلا میچ سری لنکا کے شہر ہمبنٹوٹا میں کھیلا جا رہا ہے، قومی ٹیم کے کپتان بابراعظم کی سربراہی میں گرین شرٹس میدان میں اترچکی ہیں۔
پاک افغان سیریز کے پہلے ون ڈے انٹرنیشنل میں پاکستان نے افغانستان کے خلاف ٹاس جیت کر پہلے بیٹنگ کا فیصلہ کیا ہے جبکہ ہمبنٹوٹا کے میدان میں دلچسپ میچ دیکھنے کے لیے شائقین پُرجوش ہیں۔
قومی ٹیم کے پلیئنگ الیون میں امام الحق، فخرزمان، بابراعظم (کپتان)، محمد رضوان (وکٹ کپیر)،سلمان علی آغا، افتخاراحمد، شاداب خان(نائب کپتان)، اسامہ میر، شاہین شاہ آفریدی، حارث رؤف اور نسیم شاہ شامل ہیں۔