نسیم اور حارث کی انجریز، پاکستان نے زمان اور شاہنواز کو طلب کرلیا

ایشیاءکپ میں بھارت کے خلاف سپر فور مرحلے کے میچ میں نسیم شاہ اور حارث رؤف کی انجریز نے پاکستانی کرکٹ ٹیم کی پریشانیوں میں اضافہ کردیا۔ 
گزشتہ روز پاکستان کو ایشیاءکپ کے اہم معرکے میں بھارت سے 228 رنز کے بڑے مارجن سے شکست ہوئی تو اس میچ کے دوران ہی حارث رؤف 5 اوورز جبکہ نسیم شاہ 9.2 اوورز کی گیند بازی کرواسکے اور میدان چھوڑ گئے۔ 
دونوں بولرز کی انجریز کا جائزہ لینے کے بعد ایشیاءکپ میں شرکت کا فیصلہ ہوگا تاہم ذرائع نے دعویٰ کیا ہے کہ گرین شرٹس کے دونوں فاسٹ بولرز سری لنکا کے خلاف اہم میچ سے قبل باہر ہوسکتے ہیں۔ 
پاکستان نے نسیم شاہ اور حارث رئوف کے بیک اَپ کے طور پر شاہنواز دھانی اور زمان خان کو طلب کرلیا ہے۔ دوسری جانب ٹیم انتظامیہ ایشین کرکٹ کونسل (اے سی سی) کی ٹیکنیکل کمیٹی سے صرف اس صورت میں متبادل کی درخواست کرے گی۔ 
اس بات کا قوی امکان ہے کہ حارث اور نسیم جمعرات کو سری لنکا کے خلاف پاکستان کے آخری سپر 4 میچ میں حصہ نہیں لے سکیں گے اور اگر پاکستان فائنل کیلئے کوالیفائی کرلیتا ہے تو دونوں بولرز پلئینگ الیون کا حصہ ہوں گے یا نہیں۔ 
میچ کے اختتام پر قومی ٹیم کے ہیڈکوچ گرانٹ بریڈ برن نے کہا کہ حارث رؤف اور نسیم شاہ کے ساتھ احتیاطی تدابیر اختیار کر رہے ہیں تاکہ میگا ایونٹ سے قبل بڑی انجری سے بچا جاسکے۔