پاکستانی ٹیم کی جیت میں اپنی شاندار پرفارمنس سے بدر منیر اور محمد سلمان نے اہم کردار ادا کیا۔
٢٨ اگست ٢٠٢٣
قومی بلائنڈ ٹیم نے آئی بی ایس اے ورلڈ گیمز میں ہونے والے کرکٹ مقابلے کے فائنل میں بھارت کو 8 وکٹوں سے شکست دے دی۔
بلائنڈ کرکٹ ورلڈ گیمز میں پاکستانی ٹیم شروع سے ہی ناقابل شکست رہی۔
فائنل میچ میں بھارت نے پہلے کھیلتے ہوئے مقررہ 20 اوورز میں 3 وکٹوں کے نقصان پر 184 رنز بنائے۔
بھارتی بلائنڈ ٹیم کی جانب سے ٹومپکی 76 اور رمیش 48 رنز بنا کر نمایاں رہے جبکہ قومی بلائنڈ ٹیم نے مطلوبہ ہدف 15 ویں اوور میں دو وکٹوں کے نقصان پر حاصل کرلیا۔
محمد سلمان 48، بدر منیر 41 اور نثار علی 36 رنز بنا کر نمایاں رہے۔ بلائنڈ کرکٹ ورلڈ گیمز میں شروع سے ہی پاکستانی ٹیم ناقابل شکست رہی۔
قومی ٹیم نے ایونٹ میں بھارت، بنگلہ دیش، آسٹریلیا اور انگلینڈ کو شکست دیکر فائنل تک رسائی حاصل کی۔
پاکستان نے اس سے قبل گروپ مرحلے میں بھارت کو 18 رنز سے شکست دی تھی۔
فائنل مقابلہ جیتنے کے بعد پاکستانی کرکٹ ٹیم آئی بی ایس اے ورلڈ گیمز میں کرکٹ کی چیمپئن بن گئی ہے۔
.jpg)
