ٹی20 رینکنگ: کیویز نے پاکستان کو چوتھے نمبر پر دھکیل دیا

آئی سی سی کی جانب سے جاری کردہ سالانہ ٹیسٹ رینکنگ میں بھارتی ٹیم نے آسٹریلیا کی جگہ پہلی پوزیشن پر قبضہ جمالیا، یوں 15 ماہ سے دنیائے کرکٹ میں برقرار آسٹریلوی حکمرانی کا خاتمہ ہوگیا۔

بھارت کے پوائنٹس 119سے بڑھ کر 121ہوگئے جبکہ آسٹریلیا 6پوائنٹس کی کمی سے 116پر آگیا، انگلینڈ 106 پوائنٹس کے ساتھ تیسرے، جنوبی افریقہ 104پوائنٹس کے ساتھ چوتھے، نیوزی لینڈ 103پوائنٹس کے ساتھ پانچویں، پاکستان 88 پوائنٹس کے ساتھ چھٹے، سری لنکا 85 پوائنٹس کے ساتھ ساتویں، ویسٹ انڈیز 76 پوائنٹس کے ساتھ آٹھویں، بنگلہ دیش 47 پوائنٹس کے ساتھ نویں اور زمبابوے 27 پوائنٹس کے ساتھ دسویں نمبر پر موجود ہے۔

یاد رہے کہ ٹیسٹ چیمپئن شپ کا فائنل بھی بھارت اور آسٹریلیا کے درمیان 7 جون سے کھیلا جائے گا۔ دوسری جانب ٹی ٹوئنٹی کی سالانہ رینکنگ میں بھارتی ٹیم 267 پوائنٹس کے ساتھ پہلے نمبر پر برقرار ہے، بلیو شرٹس 2020 کے بعد صرف ایک سیریز ہی ہارے ہیں، انگلینڈ259 پوائنٹس کے ساتھ بدستور دوسری پوزیشن پر براجمان ہے۔

پاکستان میں سیریز 2-2سے برابر کرنے کے بعد 2 درجے ترقی پاکر نیوزی لینڈ 256 پوائنٹس کے ساتھ تیسرے نمبر پر آگیا، گرین شرٹس کو  254پوائنٹس کے ساتھ چوتھی پوزیشن پر جانا پڑا، جنوبی افریقہ 253 پوائنٹس کے ساتھ ایک درجہ تنزلی کے ساتھ پانچویں پوزیشن پر آگیا، آسٹریلیا 248 پوائنٹس کے ساتھ چھٹے، ویسٹ انڈیز 238 پوائنٹس کے ساتھ ساتویں، سری لنکا 237 پوائنٹس کے ساتھ آٹھویں، بنگلہ دیش 222 پوائنٹس کے ساتھ نویں اور افغانستان 219 پوائنٹس کے ساتھ دسویں نمبر پر موجود ہے۔