پاکستان کو پانڈیا جیسے میچ فنشر کی ضرورت ہے، شاہد آفریدی

قومی ٹیم کے سابق کپتان شاہد آفریدی نے اپنے ایک انٹرویو میں کہا کہ قومی اسکواڈ کے پاس خوشدل شاہ، آصف علی، محمد نواز اور شاداب خان جیسے کرکٹرز موجود ہیں لیکن ان میں کوئی بھی ہاردک پانڈیا کی طرح مستقل مزاج نہیں ہے، جس طرح وہ بھارت کے لئے پرفارم کررہا ہے۔

انہوں نے کہا کہ قومی ٹیم کے پاس میچ فنشر نہیں ہے، ہم سمجھتے ہیں کہ خوشدل اور آصف علی ایسا کرنے کی اہلیت رکھےہیں لیکن وہ اب تک خود کو ثابت کرنے میں ناکام رہے ہیں۔

شاہد آفریدی نے تجویز دی کہ انگلینڈ کے خلاف ہوم سیریز میں نوجوان کرکٹر عامر جمال کو موقع دینا چاہیئے، وہ آل راؤنڈر ہیں لیکن انہیں نہیں کھلایا جارہا۔ عامر سے بولنگ اور بیٹنگ کروانی چاہیے تاکہ ہمیں پتہ چل سکے کہ عامر جمال کس قسم کا کھلاڑی ہے۔