پاکستان نے 20 سال بعد آسٹریلیا کے خلاف ہوم گراؤنڈ پر ون ڈے سیریز جیت لی

قومی کرکٹ ٹیم نے 20 سال بعد ہوم گراؤنڈ پر آسٹریلیا کو ون ڈے سیریز میں شکست سے دوچار کیا ہے، قذافی اسٹیڈیم لاہور میں کھیلے جانے والے تیسرے ون ڈے میں پاکستان کے کپتان بابراعظم نے ٹاس جیت کر آسٹریلیا کو بیٹنگ کی دعوت دی، تاہم آسٹریلوی ٹیم 41.5 اوورز میں 210 رنز بناکر پویلین لوٹ گئی۔

ہدف کے تعاقب میں پاکستان کا آغاز پر اعتماد رہا، اوپنر فخر زمان کے جلد آؤٹ ہوجانے کے بعد امام الحق اور کپتان بابراعظم نے ذمہ دارنہ اننگز کھیلی، دونوں بلےبازوں کے درمیان 190 رنز کی پارٹنرشپ قائم ہوئی۔

 کپتان بابراعظم نے سینچری اسکور کرتے ہوئے 12 چوکوں کی مدد سے 105 رنز بنائے جبکہ امام الحق نے 85 رنز بنائے۔

آسٹریلیا کی جانب سے پاکستان کی واحد وکٹ نتھین ایلس نے حاصل کی۔

اس سے قبل آسٹریلوی ٹیم نے ایلکس کیری 56، کیمرون گرین 34، شان ایبٹ نے 47 رنز کی اننگز کی بدولت کینگروز کی ٹیم 210 رنز تک پہنچنے میں کامیاب ہوئی تھی۔

پاکستان کی جانب سے محمد وسیم جونئیر نے 3، شاہین شاہ آفریدی، حارث رؤف نے دو دو جبکہ زاہد محمود اور افتخار احمد نے ایک ایک وکٹ حاصل کی۔

واضح رہے کہ آسٹریلیا نے تین ٹیسٹ میچوں کی سیریز 1-0 سے اپنے نام کر چکا ہے، سیریز کا واحد ٹی 20 انٹرنیشنل میچ منگل کو کھیلا جائے گا۔