رواں صدی میں کبھی گرین کیپس نے کسی ٹیسٹ کی پہلی اننگز میں اتنی برق رفتاری سے سنچری بنانے کا سنگ میل عبور نہیں کیا۔
٢٥ جولائی ٢٠٢٣
کولمبو میں جاری دوسرے ٹیسٹ میں پاکستان نے اپنی پہلی اننگز میں تیز ترین سنچری بنانے کا نیا ریکارڈ قائم کردیا۔
اوپنر امام الحق کی وکٹ ابتدا میں ہی گرنے کے باوجود عبداللہ شفیق اور شان مسعود نے جارحانہ بیٹنگ کرتے ہوئے 100رنز 16.4اوورز میں ہی مکمل کرلیے۔
رواں صدی میں کبھی گرین کیپس نے کسی ٹیسٹ میچ کی پہلی اننگز میں اتنی برق رفتاری سے سنچری بنانے کا سنگ میل عبور نہیں کیا، شان مسعود کی ففٹی 44اور عبداللہ شفیق کی 49گیندوں پر مکمل ہوئی۔
امام الحق کی وکٹ کھونے کے باوجود جب ٹیم کا اسکور 13 تھا، عبداللہ شفیق اور شان مسعود نے سری لنکن بولرز پر تابڑ توڑ حملے جاری رکھے اور رن ریٹ کو چھ سے اوپر رکھا۔
عبداللہ شفیق نے صرف 49 گیندوں پر اپنی ففٹی مکمل کی جبکہ وہیں شان مسعود بھی 100 سے اوپر کے اسٹرائیک ریٹ پر اسکور کو آگے بڑھاتے رہے۔ شان مسعود نے صرف 44 گیندوں پر اپنی ففٹی مکمل کی۔
شان مسعود اور عبداللہ شفیق نے اپنی سنچری شراکت صرف 103 گیندوں پر مکمل کی، جو ٹیسٹ کرکٹ میں ان کی پہلی سنچری ہے۔
.jpg)
