ون ڈےرینکنگ:پاکستان 48 گھنٹے بعد ہی پہلی سے تیسری پوزیشن پر آگیا

کراچی: نیوزی لینڈ نے پانچویں اور آخری ون ڈے میچ میں پاکستان کو شکست دے کر پہلی پوزیشن سے محروم کر دیا۔

آئی سی سی کی ون ڈے رینکنگ کے مطابق پاکستانی کرکٹ ٹیم چوتھے میچ میں کامیابی کے بعد پہلی پوزیشن پر قابض ہوئی تھی تاہم پانچویں میچ میں شکست کے بعد 48 گھنٹے میں پاکستان 112 پوائنٹس کے ساتھ تیسری پوزیشن پر چلا گیا ہے۔

آئی سی سی کی نئی ون ڈے رینکنگ میں آسٹریلیا پہلی پوزیشن پر براجمان ہوگیا ہے جبکہ بھارت دوسری پوزیشن پر آگیا ہے۔

واضح رہے کہ پاکستان کو پہلی پوزیشن برقرار رکھنے کے لئے نیوزی لینڈ کے خلاف پانچواں ون ڈے میچ جیتنا ضروری تھا تاہم اس میچ میں پاکستان کی ٹیم 300 رنز کے تعاقب میں 252 رنز پر ہی آؤٹ ہوگئی۔ جس کے بعد ون ڈے رینکنگ میں پاکستان 48 گھنٹے بعد ہی پہلی سے تیسری پوزیشن پر آگیا۔