پاکستان ویمن ٹیم کےخلاف سیریز کے لیے آسٹریلیا نے شیڈول کا اعلان کردیا

لاہور: پاکستان ویمن ٹیم کے خلاف سیریز کے لیے کرکٹ آسٹریلیا نے شیڈول کا اعلان کر دیا۔

کرکٹ آسٹریلیا کے ترجمان کے مطابق آسٹریلیا نے جنوری 2023 میں تین ون ڈے اور تین ٹی ٹوئنٹی میچز کی میزبانی کرنی ہے جس کے لیے کرکٹ آسٹریلیا نے باضابطہ شیڈول کا اعلان کر دیا ہے۔

شیڈول کے مطابق ون ڈے سیریز 16 جنوری سے برسبین میں شروع ہوگی، دوسرا ون ڈے 18 جنوری کو برسبین میں رکھا گیا ہے، تیسرا اور آخری ون ڈے 21 جنوری کو سڈنی میں ہوگا۔

ٹی ٹوئنٹی میچز 24 جنوری کو سڈنی جبکہ دوسرا اور تیسرا ٹی ٹوئنٹی میچ 27 اور 29 جنوری کو کینبرا میں رکھا گیا ہے۔