لاہور: پاکستان کے مایہ ناز بلے بازجاوید میانداد نے کہا ہے کہ قومی ٹیم کے لیے غیر ملکی کوچز پر انحصار بہت مہنگا پڑرہا ہے۔
١٧ نومبر ٢٠٢٢
’’ایکسپریس نیوز‘‘ سے گفتگوکرتے ہوئے قومی ٹیم کے سابق کپتان نے کہا کہ گذشتہ کچھ عرصے میں پاکستانی ٹیم کے لیے غیر ملکی کوچز پر انحصار کیا جاتا رہا جو بہت مہنگا پڑ رہا ہے، ان کو یہاں اسٹوڈیو میں بلائیں ہم سوال پوچھیں گے کہ وہ کرکٹ کے بارے میں کتنا جانتے ہیں، پی سی بی غیر ملکی کوچز کی تقرری کرکے اپنا دامن بچانے کی کوشش کرتا ہے۔
ایک سوال پر انہوں نے کہا کہ ہم تو کاؤنٹی کرکٹ کھیلتے تھے، مجھے کئی طرف سے کھیلنے کی پیشکش ہوتی تھی، اگر کوئی کرکٹر پرفارم نہیں کرتا اور ٹیم سے باہر ہوجائے تو اس کا کیا مستقبل ہے، اسی وجہ سے فکسنگ ہوئی ہے کہ کھلاڑی نہیں جانتا کب اس کا کیریئر ختم ہوجائے گا۔
یاد رہے کہ ٹی20 ورلڈکپ میں پاکستان ٹیم کے مینٹور میتھیو ہیڈن اور بولنگ کوچ شان ٹیٹ تھے، گذشتہ سال میگا ایونٹ میں ورنون فلینڈر ٹیم کے ہمراہ تھے۔
.jpg)
