news
English

پاکستان ٹیم کے کپتان کو ذرا سی غلطی پر ’پھڑکا‘ دیا جاتا ہے، سرفرازاحمد

ٹیسٹ اورٹی20 کرکٹ کیلئے شان مسعود اور شاہین شاہ آفریدی کو کپتان بنایا گیا ہے تو اب ان کو فرائض کی انجام دہی کیلئے مناسب موقع اور وقت بھی ملنا چاہیے، سرفراز احمد

پاکستان ٹیم کے کپتان کو ذرا سی غلطی پر ’پھڑکا‘ دیا جاتا ہے، سرفرازاحمد

قومی ٹیم کے سابق کپتان سرفرازاحمد نے کہا ہے کہ پاکستانی کرکٹ ٹیم کی کپتانی کوئی آسان کام نہیں، ذرا سی غلطی پر’’پھڑکا‘‘ دیاجاتا ہے۔ 
پی ایس ایل فرنچائز کوئٹہ  گلیڈی ایٹر کے تحت ہونے والی ایک تقریب میں  میڈیا سے گفتگو کرتے ہوئے سرفراز احمد نے کہا کہ قومی ٹیم کی قیادت پھولوں کی سیج نہیں ہے، بطور کپتان انتہائی ذمہ داری کا مظاہرہ کرنا پڑتا ہے، ورنہ تنقید سمیت دیگر نشتر چلائے جاتے ہیں، رتی برابر بھی غلطی ہوجائے توکپتان کی خیر نہیں ہوتی۔ 
انہوں نے آسٹریلیا کے خلاف ٹیسٹ سیریز میں پاکستان کی قیادت کرنے والے شان  مسعود کی تعریف کرتے ہوئے کہا کہ شان مسعود نے مضبوط حریف کے خلاف اچھے انداز میں کپتانی کی ذمہ داری ادا کی اور اپنی عمدہ قائدانہ صلاحیتوں کو تسلیم کروایا۔ 
سرفراز احمد کا کہنا تھا کہ ٹیسٹ اورٹی20 کرکٹ کیلئے شان مسعود اور شاہین شاہ آفریدی کو کپتان بنایا گیا ہے تو اب ان کو فرائض کی انجام دہی کیلئے مناسب موقع اور وقت بھی ملنا چاہیے۔ 
سرفراز احمد نے کہا کہ پلیئنگ الیون کا انتخاب کرنا ٹیم منجمنٹ کی زمہ داری ہوتی ہے، میں نے جتنی بھی کرکٹ کھیلی خاموشی کے ساتھ کھیلی، میرا نوجوان کھلاڑیوں کو بھی یہ ہی مشورہ ہے کہ وہ مکمل خاموشی اور توجہ کے ساتھ کرکٹ کھیلیں، اگر کارکردگی اچھی ہوگی تو  کھلاڑی کو دوسرا موقع بھی ملے گا۔