پی سی بی نے بڑے اسٹیڈیمز کو اپ گریڈ کرنے کا فیصلہ کرلیا

چیمپئنزٹرافی کی میزبانی سے قبل کراچی، لاہور اور راولپنڈی میں وینیوزکی توسیع اور تزئین وآرائش کاکام مکمل کرلیا جائے گا۔

پاکستان کرکٹ بورڈ (پی سی بی) نے ملک کے بڑے شہروں میں قائم اسٹیڈیمز کو اپ گریڈ کرنے کا فیصلہ کرلیا۔
ذرائع کے مطابق آئندہ برس چیمپئنز ٹرافی کی میزبانی سے قبل کراچی، لاہور اور راولپنڈی میں وینیوز کی توسیع اور تزئین وآرائش کا کام مکمل کرلیا جائے گا۔
قذافی اسٹیڈیم لاہور میں شائقین کے بیٹھنےکی گنجائش بڑھانے کے لیے ڈبل اسٹوری اسٹینڈز تیار کیے جائیں گے، نیوزی لینڈ سیریز کے بعد یہاں کام شروع کیے جانے کا امکان ہے۔
نیشنل اسٹیڈیم کراچی کو بھی اپ گریڈ کیا جائے گا، چیئرمین پی سی بی محسن نقوی کے دورہ کراچی کے بعد حتمی پلان تیار کیا جائے گا، راولپنڈی میں ہاسپیٹیلٹی باکسز اور فکسڈ کرسیاں لگانے پر غور کیا جارہا ہے۔
یاد رہے کہ چند سال قبل نیشنل اسٹیڈیم کی تزین وآرائش پر سوا ارب روپے سے زائد رقم خرچ ہوئی تھی۔