لاہور: وزیراعظم اور پاکستان کرکٹ بورڈ کے پیٹرن ان چیف شہباز شریف نے بورڈ کے معاملات چلانے کے لیے 14 رکنی کمیٹی تشکیل دےدی، نوٹیفکیشن بھی جاری کردیا گیا۔
٢٢ دسمبر ٢٠٢٢
وزیراعظم کی طرف سے پی سی بی کے معاملات چلانے کے لیے تشکیل دی گئی کمیٹی سے متعلق وزارت برائے بین الصوبائی رابطہ کو خط لکھا گیا تھا، جس کو متعلقہ وزارت نے کابینہ اراکین میں سرکولیٹ کردیا ہے۔
کابینہ کی منظوری کے بعد 14 رکنی کمیٹی پی سی بی کے معاملات چلائے گی جبکہ وزیراعظم پاکستان کرکٹ بورڈ کے پیٹرن انچیف ہوں گے۔
کمیٹی کے ارکان میں شاہد آفریدی، شکیل شیخ، گل زادہ، نعمان بٹ، ہارون رشید، ثنا میر، ایزد سید، تنویر احمد، گل محمد کاکڑ، ایاز بٹ، شفقت رانا، مصطفٰی رمدے اور عارف سعید شامل ہیں۔
کمیٹی پی سی بی کا 2014 کا آئین بحال کرنے کے لئے 120 روز میں اپنا کام مکمل کرے گی۔
دوسری جانب وفاقی کابینہ نے پی سی بی کے 2014 کے آئین کو بحال کرکے 2019 کا آئین منسوخ کردیا ہے۔
اس سے قبل رمیز راجا کو عہدے سے ہٹائے جانے کی سمری وزیراعظم شہباز شریف کا ارسال کی گئی تھی جبکہ گورننگ بورڈ ممبرز کے لٸے نجم سیٹھی اور شکیل شیخ کے نام سمری میں تجویز کیے گٸے تھے۔
.jpg)
