ڈیوڈ وارنر نے پاکستانی بولرز کی دھلائی کرتے ہوئے عثمان خواجہ کے ساتھ ملکر پہلی وکٹ کی شراکت میں 126رنز بنائے۔
آسٹریلوی کرکٹ ٹیم کے مایہ ناز اوپننگ بلے باز ڈیوڈ وارنر نے پاکستان کے خلاف شاندار بیٹنگ کا مظاہرہ کرتے ہوئے اپنے ٹیسٹ کیریئر کی 26ویں سنچری بنا ڈالی۔
پاکستان اور آسٹریلیا کے درمیان تین میچوں کی سیریز کے پہلے ٹیسٹ میچ میں آسٹریلوی ٹیم کے مایہ ناز اوپننگ بلے باز ڈیوڈ وارنر نے پہلی اننگز میں پاکستانی بولرز کی خوب دھلائی کرتے ہوئے عثمان خواجہ کے ساتھ ملکر پہلی وکٹ کی شراکت میں 126رنز بنائے اور اپنی ٹیم کو جاندار آغاز فراہم کیا۔
اس کے علاوہ انہوں نے عمدہ بلے بازی کی بدولت اپنے ٹیسٹ کیریئر کی 26ویں سنچری اسکور کرتے ہوئے اپنی ٹیم کی میچ میں پوزیشن مستحکم بنادی۔ ڈیوڈ وارنر نے 211گیندوں کا سامنا کرتے ہوئے 4 چھکوں اور 16چوکوں کی مدد سے 164رنز بنائے۔ یہ ڈیوڈ وارنر کے ٹیسٹ کیریئر کی 26ویں سنچری ہے۔ ڈیوڈ وارنر کو 164کے انفرادی سکورپر عامر جمال نے امام الحق کے ہاتھوں کیچ آئوٹ کرایا۔