محمد حفیظ اور انکی اہلیہ دونوں نے قومی ٹیم کے ہمراہ فلائٹ مس کردی۔
٠٢ جنوری ٢٠٢٤
پاکستانی کرکٹ ٹیم کے کھلاڑیوں پر قواعد و ضوابط کی خلاف ورزی پر جرمانے کا اعلان کرنے والے ٹیم ڈائریکٹر محمد حفیظ نے خودہی ڈسپلن توڑ ڈالا۔
گزشتہ روز ٹیم ڈائریکٹر پاکستان کرکٹ ٹیم محمد حفیظ اہلیہ کے ہمراہ قومی ٹیم کی فلائٹ مس کرگئے اور چند گھنٹوں بعد دوسری فلائٹ سے سڈنی روانہ ہوئے۔
رپورٹس میں کہا گیا ہے کہ حفیظ نے پاکستانی ٹیم کے ساتھ سڈنی کا سفر کرنا تھا، حفیظ کی اہلیہ کی نشست بھی اسی فلائٹ میں بک تھی تاہم دونوں میلبرن ائیرپورٹ پر تاخیر سے جہاز تک پہنچے، جس کی وجہ سے جہاز کے عملے نے انہیں سوار نہیں ہونے دیا۔
محمدحفیظ اہلیہ کے ساتھ ائیرپورٹ پر تھے تاہم وہ ٹائم پر قومی ٹیم کے جہاز تک نہیں پہنچ سکے تھے۔
خیال رہے کہ ٹیم ڈائریکٹر محمد حفیظ حال ہی میں کھلاڑیوں پر کوڈ آف کنڈکٹ کی خلاف ورزی پر جرمانوں کا اعلان کر چکے ہیں۔
.jpg)
