دونوں بورڈز کے درمیان سیریز کو حتمی شکل دینے کیلئے بات چیت جاری۔
٢٣ فروری ٢٠٢٤
ٹی20 ورلڈکپ 2024 کی تیاریوں کے سلسلے میں پاکستان اور نیوزی لینڈ کے درمیان 5 میچوں پر مشتمل سیریز اپریل کے دوسرے ہفتے میں شیڈول کیے جانے کا امکان ہے۔
میڈیا رپورٹس کے مطابق پاکستان اور نیوزی لینڈ کے درمیان 5 میچوں کی ٹی20 سیریز راولپنڈی اسٹیڈیم اور لاہور کے قذافی اسیٹیڈیم میں کروائے جانے کا قوی امکان ہے جبکہ 13 سے 23 اپریل کے درمیان کی تاریخوں پر غور کیا جارہا ہے۔
رپورٹس میں دعویٰ کیا گیا ہے کہ دونوں بورڈز نے سیریز کے شیڈول کو حتمی شکل دینے کیلئے بات چیت شروع کردی ہے۔
دوسری جانب کراچی ویسٹ انڈیز کی خواتین کرکٹ ٹیم کے خلاف سیریز کیلئے 3 ون ڈے اور 5 ٹی20 میچز کی میزبانی کرے گا۔ کیرئبین خواتین ٹیم اپریل کے دوسرے ہفتے میں پاکستان پہنچے گی۔
قبل ازیں پاکستان اور نیوزی لینڈ کے درمیان ہونے والی 5 ٹی20 میچز پر مشتمل ہوم سیریز میں کیویز نے گرین شرٹس کو 1-4 سے شکست دی تھی۔
