کراچی: ایچ بی ایل پاکستان سپر لیگ 7 کے میچ دیکھنے کے لیے شائقین کو اسٹیڈیم میں داخلے کے وقت ماسک پہننا لازمی ہے۔
٢٧ جنوری ٢٠٢٢
ایچ بی ایل پاکستان سپر لیگ 7 کے میچ دیکھنے کے لیے شائقین کو این سی او سی کے منظور کردہ قواعد و ضوابط کی خلاف ورزی کی صورت میں اسٹیڈیم سے باہر نکال دیا جائے گا، کوئی بھی آتشی اسلحہ، کھلونا بندوقیں، دھماکا خیز مواد، پٹاخے، سگریٹ، ماچس، لائٹر، کوئی بھی تیز دھار آلہ جیسے چاقو اور دھات یا لکڑی اسٹیڈیم کے اندر لے جانے کی اجازت نہیں ہے۔
اس کے علاوہ کسی بھی بینر، پوسٹر، پلے کارڈ جس پر مذہب یا نسل کی بنیاد پر امتیازی سلوک یا فحش الفاظ درج ہوں، ان کی سختی سے ممانعت ہے، کرکٹ شائقین کو گراؤنڈ، فنکاروں اور ساتھی تماشائیوں پر کسی قسم کی چیز پھینکنے کی اجازت نہیں ہے۔
حکام کا کہنا ہے کہ کورونا ایس او پیز کی خلاف ورزی کرنے والوں کو اسٹیڈیم سے باہر نکال دیاجائے گا جبکہ پاکستان سپر لیگ 7 کے میچز دیکھنے کے لیے شائقین کو اسٹیڈیم میں داخلے کے وقت ماسک پہننا لازمی ہوگا۔
.jpg)
