پی ایس ایل 9: بابراعظم اور شاہین آفریدی نے بیٹنگ کے نئے ریکارڈ قائم کردیئے

پی ایس ایل 9 میں پشاور زلمی کے کپتان بابر اعظم اور لاہور قلندرز کے قائد شاہین آفریدی منفرد بیٹنگ ریکارڈز کے مالک بن گئے۔ 
پی ایس ایل 9 میں بابراعظم کا اسٹرائیک ریٹ سب سے زیادہ 243رہا، شاہین آفریدی نے بھی 219 کے اسٹرائیک ریٹ سے بولرز کے چھکے چھڑائے۔
بابر اعظم پی ایس ایل 9 میں ڈیتھ اوورز (17-20) میں سب سے بہترین سٹرائیک ریٹ 243 کے ساتھ 56 رنز اسکور کرچکے ہیں جبکہ شاہین شاہ آفریدی اسپن بولرز کے خلاف سب سے زیادہ بیٹنگ اسٹرائیک ریٹ 219 کے مالک بن گئے۔ 
تفصیلات کے مطابق پشاور زلمی کے کپتان بابراعظم اور لاہور قلندرز کے کپتان شاہین آفریدی نے پاکستان سپر لیگ (پی ایس ایل) کے سیزن نو کے دوران بیٹنگ کے شعبے میں بہت متاثر کیا ہے۔ بابر اعظم نے پی ایس ایل 9 میں اب تک ڈیتھ اوورز (17-20) میں سب سے بہترین سٹرائیک ریٹ 243 کے ساتھ 56 رنز سکور کیے ہیں۔ دریں اثناء شاہین کے پاس پی ایس ایل 9 میں اسپن کے خلاف اب تک سب سے زیادہ بیٹنگ سٹرائیک ریٹ 219 ہے۔

بابر اعظم کی پشاور زلمی نے پلے آف کے لیے کوالیفائی کر لیا ہے لیکن شاہینوں کی لاہور قلندرز دفاعی چیمپئن پی ایس ایل 9 کے فائنل فور میں جگہ نہیں بنا سکی۔
ٹورنامنٹ فیصلہ کن مرحلے میں داخل ہو گیا ہے کیونکہ آج کراچی کے نیشنل بینک کرکٹ ایرینا میں کوالیفائر 1 میں ملتان سلطانز کا مقابلہ پشاور زلمی سے ہوگا۔ سرفہرست ٹیمیں بالادستی کی ایک دلچسپ جنگ میں ٹکرائیں گی جو کہ ایکشن سے بھرپور پی ایس ایل سیزن 9 کے پہلے فائنلسٹ کا بھی تعین کرے گی۔
سلطانز پہلی ٹیم تھی جو اپنے دس لیگ مرحلے کے میچوں میں سات فتوحات کے ساتھ ٹورنامنٹ کے پلے آف میں پہنچی تھی۔