news
English

پی ایس ایل کی تیاریاں حتمی مرحلے میں داخل، ٹرافی کی رونمائی کل ہوگی

قذافی اسٹیڈیم نے افتتاحی تقریب سمیت 9 میچز کی میزبانی کرنی ہے۔

پی ایس ایل کی تیاریاں حتمی مرحلے میں داخل، ٹرافی کی رونمائی کل ہوگی

لاہورمیں پی ایس ایل کی تیاریاں حتمی مرحلے میں داخل ہوگئیں، ٹرافی کی رونمائی کل ریس کورس گراؤنڈ میں ہوگی، ٹیموں کی آمد اوران کا پریکٹس شیڈول بھی ترتیب دے دیاگیا۔ 
تفصیلات کے مطابق پی ایس ایل کا میلہ سترہ فروری سے سج رہاہے، قذافی اسٹیڈیم نے افتتاحی تقریب سمیت 9 میچز کی میزبانی کرنی ہے۔ 
سیکیورٹی کےپیش نظر اسٹیڈیم کے داخلی اور خارجی راستے اور نشترپارک اسپورٹس کمپلیکس میں موجود تمام ریسٹورانٹس بھی بند کردیئے گئے ہیں۔
ریس کورس پولو گراؤنڈ میں ٹرافی کی رونمائی کے انتظامات کیے گئے ہیں، جس میں ٹیموں کے کپتان بھی شریک ہوں گے۔لاہور قلندرز کی ٹیم پہلےسے ہی لاہورمیں موجود ہے۔ 
اسلام آباد یونائیٹڈ، پشاور زلمی اور کوئٹہ گلیڈی ایٹرزبھی منگل کو لاہور پہنچ جائیں گی۔ منگل سے ہی ٹیموں کی پریکٹس قذافی اسٹیڈیم اور این سی سی اے میں ہوسکے گی۔