لاہور: فرنچائزز نے کورونا کے وار روکنے کے لیے پی ایس ایل7میں پورا ہوٹل بک کرنے کی تجویز پیش کردی۔
٢٠ دسمبر ٢٠٢١
لاہور قلندرز کے ڈائریکٹر آپریشنز عاقب جاوید نے ویسٹ انڈیز کے ساتھ ون ڈے سیریز ملتوی ہونے پر افسوس کا اظہار کرتے ہوئے کہا ہے کہ پی ایس ایل7 کو محفوظ بنانا ہوگا، بہترین انتظامات یقینی طورپر پی سی بی کے لیے بڑا چیلنج ثابت ہوں گے، غیر ملکی کھلاڑیوں کے لیے اگر قرنطنیہ کا دورانیہ بھی زیادہ رکھنا پڑے تو کوئی حرج نہیں، حالات کو سامنے رکھتے ہوئے تمام فرنچائزز نے پی سی بی سے پورا ہوٹل بک کرنے کا کہا ہے، کورونا کی وجہ سے کھلاڑیوں کی تعداد بھی 20 کرنے کے لیے کہا تھا۔
سابق کرکٹر نے کہا کہ لاہور قلندرز کی ٹیم میں دنیا کے بہترین فاسٹ بولر شاہین شاہ آفریدی، میچ ونر حارث رؤف اور شہرہ آفاق لیگ اسپنر راشد خان موجود ہیں، فخر زمان اور محمد حفیظ جیسے تجربہ کار بیٹرز بھی ہمیں میسر ہیں،ٹیم بہترین پرفارمنس کی کوشش کرے گی۔
.jpg)
