اسلام آباد: کراچی کنگز کے کپتان عماد وسیم نےکہاہے کہ ٹورنامنٹ میں کم بیک کریں گے۔ابھی چار میچ باقی ہیں،بیٹنگ اور بولنگ دونوں کو بہتر بنانے کی ضرورت ہے۔
٠١ مارچ ٢٠٢٣
پریس کانفرنس میں گفتگو کرتے ہوئے عماد وسیم نے کہا کہ آخری میچ جیتنے کے بعد کافی ایڈوانٹیج ملا ہے ورنہ ہم ٹورنامنٹ سے باہر ہو گئے تھے۔
ان کا کہنا تھا کہ ٹیم سلیکشن میں کچھ غلطیاں ہوئی ہیں،ٹورنامنٹ کااختتام بہتر طریقے سے کریں گے۔آخری میچ میں کامیابی کیساتھ کم بیک کیا ہے۔چھوٹے مارجن سے میچ ہارے ہیں جبکہ بڑے مارجن سے میچ جیتے ہیں۔
انہوں نے کہا کہ ٹیم کی کارکردگی سے مطمئن نہیں ہوں،نوجوان کھلاڑیوں کےلئے پی ایس ایل اچھا پلیٹ فارم ہے۔ڈومیسٹک میں اچھی پرفارمنس دینے کے بعد پی ایس ایل میں طیب طاہر اچھی پرفارمنس دے رہے ہیں۔ان کےلئے انٹر نیشنل کرکٹ کے دروازے کھلے ہیں۔ملتان سلطانز کا احسان اللہ اچھی باولنگ کروا رہا ہے۔
کپتان کراچی کنگز نے کہا کہ ہوم گراونڈ اور ہوم کراوڈ بارہواں کھلاڑی ہوتاہے۔کراوڈ کےپریشرمیں بھی مزہ آتاہے۔قاسم اکرم مستقبل کا سرمایہ ہیں،اس کی جگہ عرفان نیازی کو لے آئے ہیں۔
عماد وسیم نے کہا کہ ہم دو تین سال سے پنڈی میں میچ کھیل رہے ہیں۔پنڈی کرکٹ اسٹیڈیم کی وکٹ ٹی ٹوئنٹی میچز کےلئے بہترین ہوتی ہے۔چھکے چوکوں کی برسات ہوگی تو شائقین کرکٹ خوش ہوں گے۔
انہوں نے کہا کہ عمران طاہر اور تبریز شمسی کو ٹیم کا حصہ بنانا چاہتے تھے تاہم پہلے میچوں میں عمران طاہر کو موقع دیا گیا۔
عماد وسیم نے کہا کہ تمام فیصلوں کی ذمہ داری لیتا ہوں تاہم کوچز کیساتھ بھی مشاورت کرتا ہوں۔
.jpg)
