news
English

بارش کے وقفے میں کھلاڑی کیا کرتے ہیں؟ وسیم اورحفیظ نے خلاصہ کردیا  

ہمارے دور میں تو کھلاڑی تاش کھیل کر دل بہلاتے تھے، وسیم اکرم

بارش کے وقفے میں کھلاڑی کیا کرتے ہیں؟ وسیم اورحفیظ نے خلاصہ کردیا  

قومی ٹیم کے سابق کپتان وسیم اکرم اور محمد حفیظ نے بارش کے وقفے کے دوران کھلاڑیوں کے درمیان ہونے والی گفتگو اور سرگرمیوں کا خلاصہ کردیا۔  
گزشتہ روز راولپنڈی میں شیڈول ڈبل ہیڈر مقابلے بارش کی نذر ہوگئے تھے جس کے باعث کھلاڑیوں کو آپس میں ایک دوسرے کے ساتھ گھلتے ملتے دیکھا گیا تھا۔ 
مقامی اسپورٹس چینل پر گفتگو کرتے ہوئے سابق کپتان وسیم اکرم نے بتایا کہ ہمارے دور میں اور آج کے زمانے میں بہت فرق ہے البتہ ڈریسنگ روم کے اندر فون رکھنے کی اجازت نہیں ہوتی تو کھلاڑی عموماً وقفے کے دوران بات چیت کرکے دل بہلاتے ہیں۔ 
انہوں نے کہا کہ ہم لوگ بارش کے دوران وقفے کے دوران تاش یا کوئی اور کھیل کھیلا کرتے تھے تاکہ خوشگوار ماحول پیدا ہو۔ 
اس موقع پر محمد حفیظ نے بتایا کہ بارش کے باعث کھلاڑیوں میں مایوسی ہوتی ہے کیونکہ کہ وہ کھیلنا چاہتے ہیں لیکن جب وقفہ لمبا ہوتو یہ مشکل ہوتا ہے لیکن اگر یہ مختصر ہو، تو زیادہ تروہ ایک دوسرے سے بات چیت کرتے ہیں اور چائے، کافی پر گزارا کرتے ہیں۔  
محمد حفیظ نے مزید کہا کہ مینیجر فون لے لیتا ہے جو کہ کھلاڑیوں کیلئے فائدہ مند ہے کیونکہ کھلاڑی سوشل میڈیا پر کسی الجھن کا شکار نہیں ہوتے۔ 

واضح رہے کہ گزشتہ روز لاور قلندرز اور پشاور زلمی جبکہ کوئٹہ گلیڈی ایٹرز اور اسلام آباد یونائیٹڈ کے درمیان میچ بارش کی نذر ہوگیا تھا جس کے باعث تمام ٹیموں کو ایک ایک پوائنٹ دیا گیا۔