پی ایس ایل9: ’’مفت ٹکٹ مانگ کر شرمندہ نہ کریں‘‘

پاکستان سپر لیگ (پی ایس ایل) کے نویں ایڈیشن کے آغاز سے قبل فاسٹ بولر حسن علی ٹکٹ مانگنے والوں کو واضح پیغام دے دیا۔ 
سماجی رابطے کی ویب سائٹ (ٹوئٹر) ایکس پر ٹوئٹ کرتے ہوئے کراچی کنگز کے فاسٹ بولر حسن علی نے شائقین کرکٹ پر روز دیا کہ مفت پاسز پر انحصار کرنے کے بجائے خود اپنے پیسوں سے ٹکٹ خریدیں۔  
انہوں نے ٹوئٹ کرتے ہوئے لکھا کہ مفت ٹکٹ مانگ کر شرمندہ نہ کریں، اپنے ٹکٹس خود جاکر خریدیں۔،،  
حسن علی نے لکھا کہ مفت ٹکٹ مانگ کر شرمندہ نہ کریں. ٹکٹس ٹی سی ایس پر دستیاب ہیں، اپنے اپنے ٹکٹس خود جا کر خریدیں، شکریہ۔ 
فاسٹ بولر کی ٹوئٹ پر کئی صارفین نے ناراضی کا اظہار کرتے ہوئے لکھا کہ جولوگ آپکو میسج بھیج رہے ہیں، انہیں واٹس ایپ پر جواب کیوں نہیں دے دیتے؟ 
ایک صارف نے لکھا کہ آپکی سفارش ویسے بھی کہیں نہیں چلتی تو زیادہ شوخیاں نہ ماریں۔،،  
واضح رہے کہ پی ایس ایل کے نویں ایڈیشن کا باقاعدہ آغاز 17 فروری سے لاہور کے قذافی اسٹیڈیم میں ہوگا، ایونٹ کی افتتاحی تقریب میں گلوکار علی ظفراور آئمہ بیگ سمیت نوری اور عارف لوہار اپنے فن کا جلوہ بکھریں گے جبکہ تقریب کے دوران لیزر شو اور آتش بازی کا بھی مظاہرہ کیا جائے گا۔ 
انتطامیہ کا کہنا ہے کہ پی ایس ایل 9 کی رنگا رنگ تقریب کا آغاز شام ساڑھے 6 بجے ہوگا جبکہ اسٹیڈیم کے گیٹ شائقین کرکٹ کیلئے 3:30 بجے کھول دیئے جائیں گے۔