کراچی: قومی کرکٹ ٹیم کے سابق کپتان شاہد آفریدی کا کہنا ہے کہ پاکستان نے انگلینڈ کے خلاف پرانے طرز پر ٹیسٹ کرکٹ کھیلی جو ہماری شکست کا سبب بنی۔
٢٢ دسمبر ٢٠٢٢
انہوں نے کہا کہ انگلینڈ سمیت کئی دیگر ٹیسٹ نیشنز ممالک نے جارحانہ کرکٹ کو اپنایا ہے، صرف کپتان بابراعظم کو شکست کا ذمہ دار ٹھہرانا ناانصافی ہے۔ یہ بات حقیقت ہے کہ فاسٹ بولرز کی عدم دسیتیابی کی وجہ سے انگلش ٹیم کو آؤٹ کرنا مشکل ہوگیا تھا۔
شاہد آفریدی نے کہا کہ پاکستان کرکٹ بورڈ (پی سی بی) کی پالیسیوں پر تنقید کرتے ہوئے کہا کہ سابق کرکٹرز اور بورڈ کو گراس روٹ لیول پر کام کرنے کی ضرورت ہے جہاں سے حقیقی ٹیلنٹ ملتا ہے۔
انہوں نے سوال اٹھایا کہ شاہنواز دھانی اور محمد حسین نے آسٹریلیا کا دورہ کیا تھا لیکن جب ہمیں ان کی ضرورت پڑی تو وہ اچانک سیریز سے باہر ہوگئے۔
سابق اسٹار کرکٹر کا کہنا تھا کہ پاکستان کو اپنی کرکٹ میں جدت اور تیزی لانی ہوگی۔
.jpg)
