اترکھشا سے رتراج کی دوستی دیرینہ تھی، ان کی شادی کی تقریب مہابلیشور میں انجام پائی۔
٠٥ جون ٢٠٢٣
بھارتی کرکٹر رتراج گائیکواڈ نے اپنی خاتون دوست کرکٹر کو جیون ساتھی بنالیا۔
بھارتی کرکٹر رتراج گائیکواڈ نے اپنی گرل فرینڈ اترکشھا پوار کو جیون ساتھی بنالیا، ان کی شادی کی تقریب مہابلیشور میں انجام پائی، انھوں نے شادی کی تصاویر سوشل میڈیا پر شائقین سے بھی شیئر کی ہیں۔
اترکھشا سے ان کی دوستی دیرینہ تھی، زندگی کے نئے سفر پر جانے والے گائیکواڈ کے لیے ساتھی کرکٹرز اور دوستوں نے نیک خواہشات کا اظہار کیا ہے، جس میں چنئی سپرکنگز میں ان کے موجودہ اور سابق پلیئرز نمایاں رہے۔
انھیں ورلڈ ٹیسٹ چیمپئن شپ فائنل کے ریزور پلیئرز میں بھی شامل کیا گیا تھا لیکن انھوں نے شادی کے پیش نظر لندن جانے سے گریز کیا تھا، ان کی جگہ یشاوی جیسوال برطانیہ گئے ہیں۔
ان کی شریک حیات اترکھشا بھی کرکٹر ہیں اور مہاراشٹرا کی نمائندگی بھی کرچکی ہیں، وہ شادی سے قبل پونا میں مقیم تھیں۔
.jpg)
