انڈین پریمیئر لیگ کے ایک سنسنی خیز مقابلے میں کولکتہ نائٹ رائیڈرز کے بلے باز رِنکو سنگھ نے گجرات ٹائٹنز کے خلاف آخری اوور میں لگا تار 5 چھکے مار کر اپنی ٹیم کو جیت سے ہم کنار کردیا۔
١٠ اپریل ٢٠٢٣
احمد آباد میں کھیلے گئے کولکتہ نائٹ رائڈرز اور گجرات ٹائٹنز کے دلچسپ مقابلے میں گجرات نے پہلے کھیلتے ہوئے کولکتہ نائٹ رائڈرز کو205 رنز کا ہدف دیا۔
کولکتہ نائٹ رائڈرز نے اس بڑے ہدف کا تعاقب اچھے انداز میں شروع کیا لیکن میچ آخر تک آتے آتے گجرات ٹائٹنز کے پلڑے میں جھکنے لگا۔
کولکتہ کو جیت کے لیے میچ کے آخری اوو کی آخری 5 گیندوں پر 28 رنز درکار تھے جبکہ اس کی 7 وکٹیں گر چکی تھیں، ایسے میں کولکتہ نائٹ رائڈرز کے بائیں ہاتھ کے بلے باز رِنکو سنگھ نے حیران کن طور پر گجرات کے بولر یش دیال کو 5 گیندوں لگاتار 5 چھکے جڑ دیے اور اپنی ٹیم کو ہارا ہوا میچ جتوا دیا۔
کولکتہ نائٹ رائڈرز کے بلے باز رِنکو سنگھ نے 21 گیندوں پر 48 رنز کی شاندار اننگز کھیلی، ان کی اس زبردست اننگز میں 6 چھکے شامل تھے۔
کولکتہ کے رِنکو سنگھ کے 5 چھکوں کو دیکھ کر شائقین کرکٹ کو 2016 کے ٹی ٹوئنٹی ورلڈکپ کے فائنل میں کھیلی گئی ویسٹ انڈیز کے کارلوس بریتھ ویٹ کی اننگز یاد آگئی جس میں
بریتھ ویٹ نے انگلینڈ کے بین اسٹوکس کو آخری اوور میں لگاتار 4 چھکے مار کر ویسٹ انڈیز کو دوسری بار ورلڈ چیمپئن بنوایا تھا۔
.jpg)
