قومی ٹیم کےوکٹ کیپر بلے باز نے بلے کے علاوہ جو مانگو گے دینے کا کہا تھا، نوجوان بولرعبدالہادی
٠٧ جولائی ٢٠٢٣
قومی کرکٹ ٹیم کے وکٹ کیپر بیٹر محمد رضوان نے باصلاحیت نوجوان بولر کو اپنے مہنگے جوگرز تحفے میں دے دیئے۔
سماجی رابطے کی سائٹ ٹوئٹر پرایک ویڈیو وائرل ہورہی ہے جس میں دیکھا جاسکتا ہے کہ نوجوان اسپن بولرعبدالہادی بتارہا ہے کہ محمد رضوان نے کہا کہ انہیں آؤٹ کرنے پر بلے کے علاوہ جو مانگو گے دوں گا۔۔۔
اس پر نوجوان نے بتایا کہ میں انہیں آؤٹ تو نہیں کرسکا لیکن اچھی بولنگ کی تو رضوان بھائی نے اپنے جوتے مجھے تحفے میں دے دیئے۔
نوجوان بولر نے کہا کہ مجھے جوگرز کی ضرورت تھی تو بیٹر سے جوتے دینے کی درخواست کی تھی، قومی ٹیم کے پلئیر کی جانب سے تحفہ ملنا خوشی کی بات ہے۔
واضح رہے کہ محمدرضوان کی جانب سے تحفے میں دیا گیا گرینکلز کمپنی کا اسپائک 50 ہزار روپے مالیت کا ہے۔
دوسری جانب قومی کرکٹ ٹیم کے ہیڈکوچ گرانٹ بریڈ برن نے پریکٹس سیشن کیلئے آئے نوجوان کرکٹرز سے ملاقات کی اور شاباش دیتے ہوئےگروپ فوٹو بھی بنوایا۔
.jpg)
