جوروٹ انگلینڈ کی جانب سے 11,000 سے زیادہ ٹیسٹ رنز بنانے والے2کھلاڑیوں میں سے ایک ہیں
٢٣ جون ٢٠٢٣
انگلینڈ کرکٹ ٹیم کے آل راؤنڈر جوئے روٹ کا کہنا ہے کہ وہ آسٹریلیا کے خلاف ایشز سیریز کے دوسرے ٹیسٹ میں ضرورت پڑنے پر مزید باؤلنگ کرنے کے لیے تیار ہیں۔
جوروٹ نے ایجبسٹن میں کھیلے گئے آسٹریلیا کے خلاف ایشز سیریز کے پہلے ٹیسٹ میچ کی دوسری اننگ میں 15 اوورز کرائے تھے۔
انگلش آل راؤنڈر کا کہنا تھا کہ یہ بہت اچھا ہوتا ہے جب آپ کو اپنا حصہ ڈالنے کا موقع ملتا ہے اور میں ٹیسٹ وکٹیں لینے کے موقع کے لیے ہمیشہ تیار ہوں۔
جوروٹ انگلینڈ کی جانب سے 11,000 سے زیادہ ٹیسٹ رنز بنانے والے دو کھلاڑیوں میں سے ایک ہیں اور انہوں نے اپنے باؤلنگ کیرئیر کے دوران 55 وکٹیں بھی حاصل کی ہیں۔
انگلش ٹیم کے آل راؤنڈر معین علی انگلی کی انجری کا شکار ہیں جس پر کوچ برینڈن میک کولم نے کہا کہ معین علی فٹ ہونے کی صورت میں دوسرے ٹیسٹ میں کھیلیں گے اور اگر وہ فٹ نہیں ہوئے تو انگلینڈ ول جیکس، ریحان احمد یا لیام ڈاسن کو شامل کرنے پر غور کر سکتا ہے جبکہ دوسرا آپشن یہ ہوگا کہ معین کو ٹیم میں ایک اضافی سیمر کے ساتھ تبدیل کیا جائے اور جوروٹ کو باؤلنگ کی مزید ذمہ داریاں دی جائیں۔
سابق کپتان جوروٹ نے اس حوالے سے کہا کہ معین علی بالکل ٹھیک ہو جائیں گے، مجھے یقین ہے کہ وہ ٹھیک ہو کر جلدی میدان میں نظر آئیں گے۔
اس کے ساتھ ساتھ جو روٹ کا یہ بھی خیال ہے کہ ایجبسٹن میں انگلینڈ کی کارکردگی نے باقی سیریز کے لیے آسٹریلیا کو ایک مضبوط پیغام بھیجا ہے۔
خیال رہے کہ 32 سالہ جو روٹ نے گزشتہ تین ایشز سیریز میں انگلینڈ کرکٹ ٹیم کی قیادت بھی کر رکھی ہے۔
.jpg)
