سماجی رابطے کی ویب سائٹ پر ٹوئٹ کرتے ہوئے سابق انگلش کرکٹر نے لکھا کہ میں شعیب اختر کے فیصلے کی حمایت نہیں کرتا، سابق کرکٹر کی ایک قابلِ تعریف سوچ ہے لیکن ایونٹ کو ختم ہوئے زمانہ گزر چکا ہے۔ شاہین ٹیم میں سب سے بڑا دل ہونے کے باوجود ایک ٹانگ پر بولنگ نہیں کر سکتے تھے۔

اس سے قبل شعیب اختر نے مقامی ٹی وی چینل کو دیئے گئے انٹرویو میں کہا تھا کہ ٹی20 ورلڈکپ میں شاہین آفریدی کو انجری کے باوجود انگلینڈ کے خلاف اپنا اسپیل مکمل کرنا چاہیے تھا، یہ موقع مجھے ملتا تو میں پاکستان کے لئے اپنی جان قربان کردیتا، گھٹنا ٹوٹ بھی جاتا تو اسپیل ادھورا نہ چھوڑتا کیونکہ یہ لمحہ دوبارہ نہ آتا، گھٹنا جُڑ سکتا تھا۔

واضح رہے کہ ٹی20 ورلڈکپ 2022 کے دوران فائنل میں شاہین آفریدی فیلڈنگ کے دوران ہیری بروک کا کیچ لیتے ہوئے زمین پر گھٹنا ٹکرانے سے زخمی ہوگئے تھے، جس کے باعث وہ اپنے اوورز کا کوٹہ مکمل نہ سکے اور فائنل مقابلے میں انجری کا شکار ہوکر باہر چلے گئے تھے، جس کے باعث کپتان بابراعظم نے افتخار احمد کو بالنگ دی تاہم وہ انگلش بیٹرز کی وکٹ لینے سے قاصر رہے جبکہ انہوں نے 5 گیندوں پر 13 رنز دیئے تھے۔