اسپورٹس تجزیہ کار مرزا اقبال بیگ نے انکشاف کیا ہے کہ سابق بھارتی اوپنر وریندر سہواگ، راولپنڈی ایکسپریس شعیب اختر کی تیز رفتار بالنگ سے ڈرتے تھے۔
١٤ فروری ٢٠٢٣
معروف یوٹیوبر سے پوڈ کاسٹ پر بات کرتے ہوئے مرزا اقبال بیگ نے کہا کہ 1999 میں سہواگ نے ڈیبیو کیا، انہیں آج پتہ چلا کہ شعیب اختر کا بالنگ ایکشن غیر قانونی تھا۔ سہواگ اور گھمبیر کے شعیب اختر، شاہد آفریدی سمیت پاکستانیوں کے حوالے سے دیئے گئے بیانات سے ظاہر ہوتا ہے کہ وہ سیاست کرتے ہیں۔
مرزا اقبال بیگ نے انکشاف کیا کہ سابق بھارتی اوپنر وریندر سہواگ، راولپنڈی ایکسپریس شعیب اختر کی تیز رفتار بالنگ کا سامنا کرنے سے ڈرتے تھے۔
اسپورٹس تجزیہ کار نے کہا کہ 1999 کے کولکتہ کے ایڈین گارڈن گراؤنڈ میں ایک لاکھ سے زائد تماشائیوں کے کراؤڈ میں جب شیعب اختر نے دو گیندوں پر سچن ٹنڈولکر اور راہول ڈریوڈ کو آؤٹ کیا تھا تو اسٹیڈیم میں خاموشی چھا گئی تھی، صرف پاکستانی کھلاڑیوں کی آواز آرہی تھی۔
ماضی کا ذکر کرتے ہوئے مرزا اقبال بیگ نے بتایا کہ سابق بھارتی کپتان محمد اظہر الدین دورہ پاکستان کے لئے آئے تو وہ توصیف احمد کے گھر شاہ فیصل کالونی چلے گئے تھے، جس کے بعد سیکیورٹی خدشات کے باعث کھلاڑی ایک دوسرے سے مل نہیں سکتے تھے۔
.jpg)
