مسٹر 360 نے فرنچائز سے کرکٹر کو ریلیز کرنے کا مطالبہ کردیا
٢٢ دسمبر ٢٠٢٣
مسٹر 360 کے نام سے مشہور سابق جنوبی افریقی کپتان اے بی ڈی ویلیئرز کا کہنا ہے کہ انگلش فاسٹ بولر سیم کرن کو انڈین پریمئیر لیگ (آئی پی ایل) میں پرفارمنس سے زیادہ رقم ادا کی گئی ہے۔
ایک یوٹیوب چینل پر گفتگو کرتے ہوئے سابق جنبوبی افریقی کپتان اے بی ڈی ویلیئرز نے کہا کہ پنجاب کنگز کو انگلش فاسٹ بولر سیم کرن کو ریلیز کردینا چاہیے تھا، وہ بغیر پرفارمنس دیئے بہت زیادہ رقم لے رہے ہیں۔
انہوں نے کہا کہ آئی پی ایل 2023 کی ڈرافٹنگ میں سیم کرن کو پنجاب کنگز نے 18.5 کروڑ روپے کی بھاری رقم میں اپنے اسکواڈ کا حصہ بنایا تھا تاہم وہ مہنگے بولر بن کر ابھرے اور 14 میچوں میں سیم کرن نے صرف 10 وکٹیں حاصل کی تھیں۔
مجموعی طور پر سیم کرن نے اپنے آئی پی ایل میں 46 میچ کھیلے ہیں، جس میں انہوں نے 35.33 کی اوسط اور 9.52 کی اکانومی ریٹ سے 42 وکٹیں حاصل کی ہیں۔ اس کے علاوہ 143.22 کے اسٹرائیک ریٹ سے 613 رنز بھی بنائے ہیں، تاہم جنوبی افریقہ کے اسٹار بیٹر اے بی ڈیویلیئرز انہیں شدید تنقید کا نشانہ بنارہے ہیں۔
.jpg)
