ثنا جاوید اور شعیب ملک کی تصاویر سوشل میڈیا پر تیزی سے وائرل ہورہی ہیں۔
٢٥ مارچ ٢٠٢٤
پاکستانی ڈرامہ اور شوبز انڈسٹری کی معروف اداکارہ و ماڈل ثنا جاوید کی سالگرہ پر اُن کے شوہر اور قومی کرکٹر شعیب ملک کی پوسٹ وائرل ہوگئی۔
ثنا جاوید آج (25 مارچ کو) اپنی 31 ویں سالگرہ منا رہی ہیں، اس موقع پر اداکارہ کے شوہرشعیب ملک نے اپنے آفیشل انسٹاگرام اکاؤنٹ پر اہلیہ کے ہمراہ چند تصاویر پوسٹ کی ہیں۔
شعیب ملک نے اہلیہ کو سالگرہ کے یادگار دن پر پھولوں کا گلدستہ بھی دیا جوکہ تصاویر میں دیکھا جاسکتا ہے جبکہ ان تصاویرمیں یہ جوڑی خوشگوار موڈ میں نظر آرہی ہے۔
قومی کرکٹر نے ان تصاویر کے ساتھ کیپشن میں لکھا کہ ‘ثنا شعیب ملک کو سالگرہ مبارک ہو’۔
ثنا جاوید اور شعیب ملک کی یہ نئی تصاویرسوشل میڈیا کے مختلف پلیٹ فارمز پر تیزی سے وائرل ہورہی ہیں جہاں کچھ صارفین نے اداکارہ کو سالگرہ کی مبارکباد دی جبکہ اکثریت کی جانب سے اس جوڑی کو دوسری شادی پر تنقید کا نشانہ بنایا گیا۔
واضح رہے کہ ثنا جاوید اور شعیب ملک نے رواں سال 20 جنوری کو اپنی شادی کا اعلان کیا تھا، اس جوڑی نے اپنے اپنے سوشل میڈیا اکاؤنٹس پر شادی کی تصاویر پوسٹ کی تھیں۔
ان دونوں اسٹارز کی یہ دوسری شادی ہے، شعیب ملک نے پہلی شادی سال 2010 میں بھارتی ٹینس اسٹارثانیہ مرزا سے کی تھی جبکہ ثناجاوید نے پہلی شادی سال 2020 میں گلوکارعمیرجیسوال سے کی تھی۔
ثانیہ مرزا سے شعیب ملک کا ایک بیٹا اذہان مرزا ملک ہے جس کی پیدائش 2018 میں ہوئی تھی۔
.jpg)
