ریپ کیس میں نیپالی کرکٹر سندیپ لامیچھانے کو8سال قید کی سزا

نیپالی کرکٹر سندیپ لامیچھانے کو 17 سال کی نوجوان لڑکی سے زیادتی کے مقدمے میں 8سال قید کی سزا سنا دی گئی۔ 
نیپالی کرکٹر سندیپ لامیچھانے پر لڑکی سے زیادتی کا جرم ثابت ہوا تھا اور عدالتی فیصلے میں سندیپ لامیچھانے کو لڑکی سے زیادتی کا مجرم قرار دے دیا گیا تھا۔ 
عدالت کا کہنا ہتھا کہ زیادتی کے وقت لڑکی نابالغ نہیں تھی۔ 
گزشتہ سال ستمبر میں 17سالہ لڑکی نے سندیپ لامیچھانے کے خلاف پولیس میں شکایت درج کروائی تھی جس میں الزام لگایا گیا تھا کہ کرکٹر نے کھٹمنڈو کے ایک ہوٹل کے کمرے میں اس کے ساتھ زیادتی کی۔ 
ان الزامات کے بعد کرکٹر کو نیپالی پولیس نے 6 اکتوبر کو کیریبین پریمیئر لیگ سے ملک واپسی پر ایئرپورٹ سے گرفتار کیاتھا۔ 
بعدازاں 12 جنوری 2023کو لیمی چین کی طرف سے دائر نظرثانی کی درخواست پر ہائی کورٹ نے کرکٹر کو 20 لاکھ روپے کے ضمانتی مچلکے پر رہا کرنے کا حکم دیا تھا جس کے بعد سے وہ فی الحال ضمانت پر ہی رہا ہیں۔ 
ریپ الزامات کے باوجود فروری 2023 میں سندیپ لامیچھانے کو انٹرنیشنل سیریز کے لیے منتخب کیا گیا تھا۔ 
واضح رہے کہ سندیپ لامیچھانے پاکستان سپر لیگ (پی ایس ایل)، بگ بیش لیگ (بی بی ایل) اور انڈین پریمیئر لیگ (آئی پی ایل) بھی کھیل چکے ہیں۔ 
انہوں نے پی ایس ایل میں لاہور قلندرز کی نمائندگی بھی کی تھی۔ 
ضمانت پر رہا ہونے کے بعد سندیپ لامیچھانے بین الاقوامی ٹورنامنٹس میں اپنی قومی ٹیم کی نمائندگی کرتے رہے۔ انہوں نے آخری میچ نومبر2023 میں منعقدہ ٹی ٹوئینٹی ایشیا فائنلز میں اومان کے خلاف کھیلا تھا۔ 
لامیچھانے کو نوجوان لڑکی کا ریپ کرنے کے الزام  میں اکتوبر 2022 میں پولیس نے حراست میں لیا تھا۔ اگرچہ گذشتہ برس جنوری میں انہیں ضمانت پر رہا کردیا گیا تھا مگر عدالت نے انہیں زیادتی کا مجرم قرار دیتے ہوئے کہا تھا کہ آئندہ سماعت پر سزا سنائی جائے گی۔  
ڈسٹرکٹ اٹارنی کی جانب سے  نیشنل پینل (کوڈ) ایکٹ 2017 کے تحت  کرکٹر کو 12 سال کی قید کی سزا سنانے کی اپیل کی گئی تھی مگر عدالت نے انہیں آٹھ سال کی سزا سنائی۔ 
سندیپ لامیچھانے نیپال کی قومی کرکٹ ٹیم  کے اہم ترین کھلاڑیوں میں شمار ہوتے ہیں اور51 ایک روزہ اور52  ٹی ٹوئینٹی میچوں میں اپنے ملک کی نمائندگی کرچکے ہیں۔ انہیں دونوں فارمیٹس میں نیپال کی جانب سے سب سے زیادہ وکٹیں لینے والے بولر کا اعزاز بھی حاصل ہے۔