اگر پاکستانی کھلاڑی آئی پی ایل کا حصہ ہوتے تو حارث رئوف فرنچائزز کی پریمیم چوائس ہوتے، بھارتی کمنٹیٹر
٠٦ جون ٢٠٢٣
سابق بھارتی کرکٹر اور کمنٹیٹر سنجے منجریکر نے پاکستان کی قومی کرکٹ ٹیم کے فاسٹ بولر حارث رؤف کو موجودہ دور میں عالمی کرکٹ کا بہترین ’ڈیتھ بالر‘ قرار دے دیا۔
کرک انفو سے بات چیت کرتے ہوئے سابق آسٹریلوی کرکٹر اور کمنٹیٹر ٹام موڈی اور سنجے منجریکرنے کہا کہ اگر پاکستانی کھلاڑی انڈین پریمئیر لیگ (آئی پی ایل) میں کھیل رہے ہوتے تو حارث رؤف ہر فرنچائز کی پریمیم چوائس ہوتے۔
انہوں نے دیگر پاکستانی کھلاڑیوں کے حوالے سے گفتگو کرتے ہوئے کہا کہ اس وقت وہ پاکستان کے فاسٹ باؤلنگ گروپ میں شاہین آفریدی، نسیم شاہ، حارث رؤف اور احسان اللہ جیسے بہترین کرکٹرز موجود ہیں۔
بیٹنگ کے حوالے سے سنجے منجریکر کا کہنا تھا کہ بلےبازوں میں فخر زمان کچھ ٹیموں کے لئے دلچسپ انتخاب ہوتے، میں سمجھتا ہوں کہ رضوان اینکر پلئیر نہیں کیونکہ وہ اور بابراعظم جب ساتھ بیٹنگ کرتے ہیں تو پریشان ہوجاتا ہوں۔
اس موقع پر آسٹریلوی کرکٹر اور کمنٹیٹر ٹام موڈی نے کہا کہ آئی پی ایل میں شاہین آفریدی فرنچائزرز کی پہلی پک ہوتے، پاکستان کے پاس شاداب خان، بابراعظم، رضوان اور شاہین جیسے لاجواب کھلاڑی موجود ہیں۔
واضح رہے کہ سال 2008 کے بعد سے قومی کرکٹرز نے آئی پی ایل میں کشیدہ سیاسی تعلقات کے باعث ایونٹ میں شرکت نہیں کی۔
.jpg)
