سعود شکیل سرڈان بریڈمین کے بعد ابتدائی 10 ٹیسٹ میچزمیں 98 سے زائد کی اوسط سے رنز بنانے والے دنیا کے دوسرے کرکٹر بن گئے
٢٠ جولائی ٢٠٢٣
سری لنکا کے خلاف گال ٹیسٹ میچ کی پہلی اننگز میں ناقابل شکست 208 رنز بنانے والے سعود شکیل نے کئی شہرہ آفاق کرکٹرز کو پیچھے چھوڑ دیا۔
سری لنکا کے شہرگال میں کھیلے گئے ٹیسٹ میچ کی پہلی اننگز میں قومی کرکٹ ٹیم کے مڈل آرڈر بلے بازسعود شکیل نے سری لنکن بولرز کو بے بس کرتے ہوئے ناقابل شکست 208 رنز کی اننگز کھیلی اور پاکستانی ٹیم کو ٹیسٹ میچ جتوانے میں اہم کردار ادا کیا۔
سعود شکیل نے اپنی اننگز میں کسی بھی بلے باز کی ٹیسٹ میچز کی ابتدائی 10 اننگز میں 98.50 کی اوسط سے 800 سے زائد رنز بنائے، وہ سر ڈان بریڈمین کے بعد یہ کارنامہ انجام دینے والے دنیا کے دوسرے کرکٹر بن گئے ہیں۔
سعود شکیل کی ٹیسٹ کرکٹ میں اب تک 12 اننگز میں 100.12 اور 802رنز کی اوسط ہے، جس میں ایک ڈبل سینچری، ایک سینچری اور 5 نصف سینچریاں شامل ہیں۔
پہلی اننگز میں 208 ناٹ آؤٹ اور دوسری اننگز میں 30 رنز کی میچ وننگ اننگز کھیلنے پر سعود شکیل کو پلئیر آف دی میچ کے انعام سے بھی نوازا گیا۔
.jpg)
