پی ایس ایل 9 میں اپنے دونوں چھوٹے بھائیوں کے منتخب ہونے پر نسیم شاہ کا ردعمل سامنے آگیا۔
١٤ دسمبر ٢٠٢٣
پاکستان سپر لیگ (پی ایس ایل) کے نویں ایڈیشن میں اپنے دونوں چھوٹے بھائیوں کے منتخب ہونے پر قومی ٹیم کے پیسر نسیم شاہ کا ردعمل سامنے آگیا۔
اسلام آباد یونائیٹڈ کے نو منتخب فاسٹ بولر نسیم شاہ نے لاہور میں میڈیا سے بات چیت کرتے ہوئے کہا کہ حنین اور عبید کو عمدہ پرفارمنس کا مظاہرہ کرنے پر پاکستان سپر لیگ (پی ایس ایل) 9 میں آنے کا موقع ملا، میں سلیکٹر یا لیجنڈ نہیں ہوں کہ اپنے بھائیوں کو ٹیم میں شامل کرواسکوں۔
انہوں نے کہا کہ دونوں کرکٹرز نے ڈومیسٹک اور انڈر19 ٹیم میں کارکردگی کا مظاہرہ کرکے ٹیم میں جگہ بنائی ہے، یہ کہنا غلط ہوگا کہ نسیم شاہ کی وجہ سے اسکواڈ میں منتخب ہوئے ہیں۔
فاسٹ بولر نے لیگ اسپنر شاداب خان کی کپتانی میں کھیلنے پر خوشی کا اظہار کرتے ہوئے کہا کہ قومی ٹیم میں آل راؤنڈر کے ساتھ کھیل چکا ہوں، یقین ہے کہ نئی ٹیم کیساتھ اچھا سیزن رہے گا۔
انہوں نے انجری کے حوالے سے بات کرتے ہوئے کہا کہ طویل عرصے بعد کم بیک کرنا اتنا آسان نہیں ہے، ابھی مکمل توجہ ری ہیب پر مرکوز ہے، کوشش ہے کہ پی ایس ایل میں شاندار کم بیک کروں اور پھر ورلڈکپ میں کھیلنے کے بارے میں سوچوں۔،،
.jpg)
