شاہین کی تباہ کن بولنگ، حارث کا بیٹ دو ٹکڑے ہوگیا

کراچی: پی ایس ایل کے اہم میچ میں لاہور قلندرز کے کپتان اور قومی فاسٹ بولر شاہین شاہ آفریدی کی تباہ کن گیند پر پشاور زلمی کے محمد حارث کا بیٹ دو ٹکڑے ہوگیا۔

محمد حارث کا بیٹ ٹوٹنے کی ویڈیو سوشل میڈیا پر وائرل ہوگئی، شاہین آفریدی کی پہلی ہی گیند پر محمد حارث نے دفاعی انداز اپنایا جو ان کے لیے مہنگا ثابت ہوا۔ شاہین کی تیز رفتار گیند کا سامنا کرتے ہوئے محمد حارث کا بیٹ دو ٹکڑوں میں بٹ گیا، بیٹ ٹوٹ جانے پر حارث نے ڈگ آوٹ میں موجود ساتھیوں سے دوسرا بیٹ منگوایا لیکن اگلی ہی گیند پر شاہین آفریدی کی شاندار یارکر نے ان کی آف اسٹمپ کی وکٹ اکھاڑ دی۔
شاہین آفریدی کی شاندار بولنگ پر سوشل میڈیا صارفین کی جانب سے انہیں خوب سراہا جارہا ہے۔