ٹوئنٹی 20 فارمیٹ، پاکستان ٹیم درست سمت میں گامزن ہے، شاہد آفریدی

سابق اسٹار آل راؤنڈر شاہد خان آفریدی نے ٹوئنٹی 20 فارمیٹ میں پاکستان کی پرفارمنس کو سراہتے ہوئے کہا کہ ٹیم درست سمت میں گامزن ہے۔

PHOTO: AFP

شاہد آفریدی نے کہا ہے کہ ٹوئنٹی 20 فارمیٹ میں ٹیم درست سمت میں گامزن ہے، اگرچہ ابھی ورلڈ ٹوئنٹی 20 کچھ دوری پر ہے مگر گرین شرٹس کی کارکردگی کافی اچھی ہے، نوجوان کھلاڑی بہترین پرفارم کررہے ہیں، مجھے پوری امید ہے کہ وہ آگے بھی پاکستان کے لیے بہترین کارکردگی کا مظاہرہ کریں گے۔

قومی ٹیم میں واپسی کے حوالے سے سوال پر انھوں نے کہاکہ میرا ایسا کوئی ارادہ نہیں، پاکستان کے لیے میں اپنی کرکٹ سے لطف اندوز ہوچکا اور اب لیگ کرکٹ کھیل کر انجوائے کر رہا ہوں، انھوں نے ایک بار پھر کیریبیئن پریمیئر لیگ میں واپسی پر خوشی کا اظہار کیا۔