news
English

شاہنواز دھانی کی والدہ سے جذباتی گفتگو کی ویڈیو وائرل

ڈھاکا: پاکستان کے مایہ ناز فاسٹ بولر شاہنواز دھانی اپنی زندگی کے پہلے انٹرنیشنل ٹی ٹوینٹی میچ میں نام آنے پر جذباتی ہوگئے۔

شاہنواز دھانی کی والدہ سے جذباتی گفتگو کی ویڈیو وائرل

ایکسپریس نیوز کے مطابق پاکستان کرکٹ ٹیم میں بولنگ کے شعبے میں شاندار اضافہ قرار دیئے جانے والے فاسٹ بولر شاہ نواز دھانی آج بنگلہ دیش کے خلاف تیسرے اور آخری ٹی ٹوئنٹی میچ میں اپنے انٹرنیشنل کیریئر کا آغاز کرنے والے ہیں۔ پی سی بی نے انہیں پلیئنگ الیون کا حصہ بناننے کی تصدیق کرتے ہوئے ایک ویڈیو بھی جاری کی ہے جس میں وہ اپنی والدہ ہ کو میچ کھیلنے کی نوید سنا کر دعائیں لے رہے ہیں۔

لاڑکانہ سے تعلق رکھنے والے 23 سالہ شاہنواز دھانی پاکستان کے 95 ویں اور لاڑکانہ کے پہلے کھلاڑی ہیں جو ٹی ٹوئنٹی میں پاکستان کی نمائندگی کا اعزاز حاصل کریں گے۔ اس حوالے سے اپنے ویڈیو پیغام میں شاہ نواز دھانی کا کہنا تھا کہ پاکستان کی طرف سے کھیلنا ہر کھلاڑی کی خواہش ہوتی ہے، یہ میری زندگی کے یادگار لمحات اور ایک بڑا دن ہے، برسوں پہلے خواب دیکھا تھا جو آج  پورا ہونے جارہا ہے، جب سے میچ کھییلنے کا سنا ہے رات بھر نیند نہیں آئی۔

دھانی نے شین بونڈ کو اپنا فیورٹ بولر قرار دیتے ہوئے کہا کہ اب تک پی ایس ایل کا بہترین بولر ہونا میرے لیے یادگار لمحات ہیں، ڈبیو میچ میں مین آف دی میچ بننے کی خواہش ہے، کھیتی باڑی سے انٹرنیشنل میدان میں پاکستان کی طرف سےکھیلنے کا سفر بہت محنت طلب رہا ہے، والدین سمیت سب نے بہت تعاون  کیا، اپنی سرزمین پر پہلا میچ کھیلنے کو ملتا تو زیادہ لطف آتا، تاہم ملنے والے اس موقع میں بہترین پرفارمنس دے کر سب کے دل جیتنے کی کوشش ہوگی۔