’’شامی کے گندے دماغ، لالچ کی وجہ سےہمیں یہ دن دیکھناپڑرہا ہے‘‘ اہلیہ کے الزامات

آئی سی سی ورلڈکپ میں شاندار کارکردگی دکھانے کے باوجود بھارتی میڈیا فاسٹ بولر محمد شامی کی نجی زندگی اور ان کی اہلیہ کے نامناسب الزامات پر مبنی انٹرویو نشر کرنے لگا۔ 
تفصیلات کے مطابق بھارت کے مقامی میڈیا چینل نے آئی سی سی ورلڈکپ 2023 میں محمد شامی کی شاندار پرفارمنس پر ان کی اہلیہ کا انٹرویو لیا، حسین جہاں نے ٹیم انڈیا کو شاندار کارکردگی پر سراہا وہیں فاسٹ بولر پر طنز بھی کَس دیا۔ 
بھارتی کرکٹر کی اہلیہ حسین جہاں نے حالیہ انٹرویو میں کہا کہ کبھی کبھی ذہن میں یہ خیالات آتے ہیں کہ شامی جتنے اچھے کرکٹر ہیں اگر اتنے ہی اچھے وہ انسان ہوتے تو میں اور میری بیٹی ان کے ساتھ خوش و خرم زندگی گزار رہے ہوتے۔  
انہوں نے کہا کہ شامی کے لالچ اور گندے دماغ کی وجہ سے ہم تینوں کو ایسا وقت دیکھنا پڑرہا ہے، وہ پیسوں سے خود کو خوش رکھنے کی کوشش کررہا ہے لیکن میں ایسی نہیں ہوں۔،،  
حسین جہاں کا مزید کہنا تھا کہ وہ واقعی شاندار کارکردگی کا مظاہرہ کررہا ہے لیکن یہ ضروری نہیں کہ وہ نجی زندگی میں بھی بہت اچھا ہو، ذاتی زندگی میں انہوں نے بہت برا کیا۔  
قبل ازیں ورلڈکپ 2023 کے دوران ایک انٹرویو میں حسین جہاں نے ٹیم انڈیا کو شاندار کارکردگی دکھانے پر مبارکباد دی تاہم فاسٹ بولر کی کارکردگی پر بات کرنے سے گریز کیا تھا، انکا کہنا تھا کہ میں ٹیم انڈیا کو اپنی نیک خواہشات ضرور بھیجوں گی لیکن شامی کو نہیں!۔ 
واضح رہے کہ حال ہی میں بھارتی اداکارہ پائل گھوش نے بھارتی فاسٹ بولر محمد شامی کو شادی کی مشروط پیشکش بھی کی تھی۔