سڈنی: سابق آسٹریلوی لیگ اسپنر شین وارن موٹر سائیکل سے گر کر زخمی ہو گئے۔
٢٩ نومبر ٢٠٢١
آسٹریلوی میڈیا کےمطابق سڈنی میں سابق لیگ اسپنر شین وارن اپنے پاؤں اور کولہے کا چیک اپ کروانے کے لیے موٹرسائیکل پر ڈاکٹر کے پاس جارہے تھے کہ اس دوران موٹرسائیکل سلپ ہوگئی اور وہ 15 منٹ تک سلائیڈ کرتے رہے۔ حادثے کے وقت شین وارن کا بیٹا بھی ان کے ساتھ تھا جو زخمی ہوگیا تاہم دونوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے۔
سابق آسٹریلوی لیگ اسپنر شین وارن کا کہنا ہے کہ مجھے کافی چوٹیں آئی ہیں اور درد بھی بہت محسوس کررہا ہوں، مجھے ڈر ہے کہ کہیں میری ٹانگ کی ہڈی نہ ٹوٹ گئی ہو، سابق لیجنڈری بولر نجی اسپتال میں زیر علاج ہیں جہاں ان کی اور بیٹے کی حالت خطرے سے باہر بتائی جاتی ہے۔
.jpg)
