لندن: سابق آسٹریلوی اسپنر شین وارن کی 20.7 ملین ڈالر کی وصیت سامنے آگئی، سابقہ اہلیہ اور گرل فرینڈ کو کچھ نہیں ملےگا۔
٠٩ فروری ٢٠٢٣
آسٹریلیا کے آنجہانی اسپنر شین وارن کی 20.7 ملین ڈالر کی وصیت سامنے آگئی ہے، اثاثوں کا بیشتر حصہ تینوں بچوں میں تقسیم ہوگا، سابقہ اہلیہ سیمون اور گرل فرینڈ لز ہرلی کو کچھ نہیں ملے گا۔
وصیت کے مطابق شین وارن کی جائیداد کا 31 فیصد حصہ ان کے بچوں کو دیا جائے گا، 9 فیصد فیملی کے دیگر افراد کو ملے گا، 7 فیصد بھائی جیسون کو ملے گا، 2 فیصد بھتیجوں سیباستین اور ٹیلا کے نام کیا گیا ہے۔
دوسری جانب میڈیا نے شین وارن کے موجودہ اثاثوں کی فہرست بھی شائع کردی ہے۔
واضح رہے کہ سابق آسٹریلوی لیگ اسپنر شین وارن گزشتہ برس دل کا دورہ پڑنے کے باعث انتقال کرگئے تھے، سابق آسٹریلوی لیگ اسپنر شین وارن چھٹیاں گزارنے کے لیے تھائی لینڈ کے علاقے کوہ سمائی میں قائم اپنے ولا میں موجود تھے جہاں انہیں دل کا دورہ پڑا جو جان لیوا ثابت ہوا۔
.jpg)
