پاکستان کرکٹ ٹیم کے سابق کپتان شعیب ملک نے ٹی ٹوئنٹی کرکٹ میں 12ہزار رنز بنا کر اہم سنگ میل عبور کر لیا۔
١٣ دسمبر ٢٠٢٢
پاکستان کے مایہ ناز کھلاڑی اور قومی ٹیم کے سابق کپتان شعیب ملک نے ٹی ٹوئنٹی کرکٹ میں بارہ ہزار رنز مکمل کرلیے، وہ یہ کارنامہ سرانجام دینے والے دنیا کے دوسرے بلے باز ہیں، اس سے قبل کرس گیل یہ سنگ میل عبور کرچکے ہیں۔
شعیب نے لنکا پریمیئر لیگ کے دوران 12 ہزار رنز کا سنگ میل عبور کیا، پاکستانی بیٹر نے گزشتہ روز جافنا کنگز کی جانب سے 35 رنز کی زبردست اننگز کھیلی۔
سابق پاکستانی کپتان کے مجموعی ٹی ٹوئنٹی رنز 12027 ہوگئے ہیں۔انہوں نے اب تک 485 ٹی ٹوئنٹی میچز کھیلے ہیں۔
ٹی ٹوئنٹی میں سنگ میل عبور کرنے کے بعد شعیب ملک نے اللہ تعالیٰ کا شکر ادا کرتے ہوئے سوشل میڈیا پر بیان جاری کیا کہ ' ایک اور دن ، ایک اور سنگ میل عبور کرلیا'۔
.jpg)
