طبیعت کی خرابی کے باعث کینگروز کے خلاف اتوار کو شیڈول میچ میں شبھمن گِل کی شرکت مشوک۔
٠٦ اکتوبر ٢٠٢٣
بھارتی کرکٹ ٹیم کو آسٹریلیا کے خلاف ورلڈکپ کے پہلے میچ سے قبل ہی بڑا دھچکا لگ گیا۔
میڈیا رپورٹس کے مطابق ورلڈکپ میں بھارتی کرکٹ ٹیم کو اپنا پہلا میچ آسٹریلیا کے ساتھ کھیلنا ہے تاہم اس سے قبل ہی اوپنر شبھمن گِل بخار میں مبتلا ہوگئے ہیں۔
رپورٹس میں دعویٰ کیا گیا ہے کہ بھارت کے اسٹار اوپنر شبھمن گِل کا ڈینگی ٹیسٹ مثبت آیا ہے جس کے باعث ان کی آسٹریلیا کے خلاف پہلے میچ میں شرکت مشکوک ہوگئی ہے۔
بھارت اور آسٹریلیا کے درمیان میچ 8 اکتوبر کو چنئی میں شیڈول ہے۔
اس سے قبل ورلڈکپ کے افتتاحی میچ میں نیوزی لینڈ نے دفاعی چیمپئین انگلینڈ کو یکطرفہ مقابلے کے بعد 9 وکٹوں سے شکست دی تھی جبکہ دوسرے میچ میں پاکستان اور نیدر لینڈز حیدر آبادکے راجیو گاندھی اسٹیڈیم میں مدِ مقابل ہیں۔
.jpg)
